Дэлхийн ганц стандартгүй орон гээд нэрлэчихвэл үнэнээс нэг их хол зөрөхгүй манай улсад юм болгон нь арга ядсан, арай дөнгүүр нь өнөөх муйхар монгол сэтгэлгээгээр хйисэн байдаг нь нууц биш.

Мэргэжлийн хяналтын хэдэн байцаагчын өнгөөр дүгнэгддэг хэдэн стандартыг хэрэгжүүлдэггүйгээсээ болоод олон хүн, амь нас, эрүүл мэндээрээ хохирсоор байдаг.

Сүүлийн үед хаа сайгүй тэр дундаа нийтийн хоолны газруудад хийн баллон дэлбэрч  хүн түлэгдсэн тухай мэдээ чих дэлсэх болсон. “За үхээгүй л байна шүү дээ” хэмээн нэг их хүндээр тусгаж авахгүй ч олон хавар нэгэндээ гэдгээр нэг л өдөр энэ явдлаас болж хүний алтан амь эрсдэх вий дээ. Учир нь Loving hut сүлжээ ресторанд хоёр ч ахиж ийм явдал гарч нөхөрт гарч амжаагүй залуухан бүсгүйн нүүр тэр чигтээ түлэгдэж, өөр хэд хэдэн хүн хүндэвтэр гэмтсэн байна.

Ер нь сүр болон нийтэд зарлагддаггүй болохоос энд тэндгүй л ийм хэрэг гардаг. Гэвч нийтийн хоолны газар ийм байдал давтагдаад байвал байдал хэрхэх нь бодохоос ч аймар байгаа юм. Хоол идэх гэж ороод дэлбэрч үхсэн гэж дуулахгүй байхсан даа.

Ч.Ган