МАН-ын Бага хурал өнөөдөр 10.00 цагт Тусгаар тогтнолын ордонд эхэлнэ. Тус намын Удирдах зөвлөл өнгөрсөн долоо хоногт хуралдаж бага хуралын товыг гаргасан юм.

Бага хурлаараа орон нутгийн сонгууль, Монгол Улсын Ерөнхийлөгчийн сонгуульд ялагдал хүлээсэн, ялагдал хүлээхэд хүргэсэн шалтгаан нөхцөл юу байв гээд алдаа, оноо бүхнээ шүүж, улмаар гишүүд удирдлагын төвшинд алдаа гарсан гэж дүгнэвэл шинэ дарга нарыг томилох талаар хэлэлцэх төлөвтэй байгаа юм. Мөн намын үзэл баримтлалыг шинэчлэх зэрэг асуудлыг хэлэлцэх юм байна.

Бага хуралд 21 аймаг, нийслэлийн есөн дүүргээс тус бүр төлөөлөл болсон гишүүд оролцох аж.

Эх сурвалж: Шуурхай.мн