Милл кино компанийн 3 дахь бүрэн хэмжээний уран сайхны кино “Микроны босс” бүтээгдэж буй. Энэхүү Микрочдын амьдралын талаар өгүүлэх инээдмийн уран сайхны киноны гол дүрийг “Мөрөөдлийн театр” хамтлагийн жүжигчин Д.Баттөмөр буюу жүжигчин Батаа бүтээжээ. “Банш” гэх нэр авсан тэрээр энэ нэрэндээ ч дуртайгаа илэрхийлдэг. Өөрийн гэсэн дүр бүтээх жанртай болсон түүнд үзэгчдийг хөгжөөх авьяас бий нь банш төрхтэй нь ч холбоотой байж мэдэх юм. Тэрбээр өөрийн тоглосон “Рашаантын 18”, “Ээжийн дайсан” зэрэг киноны дууг дуулсан өдгөө дэлгэцийн уран бүтээл болох “Микроны босс” киноны дууг мөн л өөрөө дуулсан гэнэ.

Эх сурвалж: Шуурхай.мн