Төв аймгийн Эрдэнэ сумын нутаг “Цонжин болдог”-т босох “Түмэн Хишигтэн” есөн загвар бүхий 10 000 морьт баатрын хөшөө цогцолбор олны анхаарлыг ихэд татаж байгаа юм. Тиймдээ ч олны танил эрхмүүд “Түмэн Хишигтэн” 10 000 морьт баатрын нэгээр тодорч дүрээ мөнхлөхийг эрхэмлэх болсон гэнэ.
Хонгконгийн алдарт жүжигчин, Холливудын од Жаки Чан 2010 онд Монголд ирэхдээ “Түмэн хишигтэн” баатрын нэг болж, морьт баатрын хөшөө бариулахаар болсон гэдэг. Түүнчлэн Ардын жүжигчин П.Цэрэндагваас эхлээд хэд хэдэн олны танил хүн “Түмэн хишигтэн” баатарт дүрээ мөнхөлсөн байдаг.
Тэгвэл Монгол Улсын Хөдөлмөрийн баатар, Гавьяат тамирчин, Олимпийн алт мөнгөн медальт монголчуудын бахархалт хөвгүүн Найдангийн Түвшинбаяр ч мөн “Түмэн хишигтэн” баатрын нэгээр дүрээ мөнхөлжээ.

Эх сурвалж: Шуурхай.мн