Цагдаагийн ерөнхий газрын даргын тушаалаар цагдаагийн ахлагч бүрэлдэхүүний цалингийн шатлалыг Засгийн газрын 2012 оны 78 дугаар тогтоолоор төрийн тусгай албан тушаалын цалингийн сүлжээний ТТ-7 зэрэглэлээр дээшлүүлж цалинжуулахаар болсон байна.

Цалин зэрэг дээшлүүлсэн тушаалд цагдаагийн байгууллагын анхан шатны нэгжид ажилладаг “ТТ-3”-аас “ТТ-6” хүртэл шатлалаар цалинжиж байсан нийслэл, хөдөө, орон нутгийн цагдаагийн газар, хэлтсийн нийт 4250 алба хаагч хамрагдсан байна. Цалин зэрэглэлийг дээшлүүлснээр бага цалинтай цагдаагийн алба хаагчдын дундаж цалин 57 мянгаас 113 мянган төгрөгөөр нэмэгдсэн нь Засгийн газрын орон сууцны зээлийн 8 хувийн ипотекийн зээлд хамрагдах боломжийг бүрдүүлжээ.

Эх сурвалж: Шуурхай.мн