Дээд боловсролын сургалтын байгууллагад 2013-2014 оны хичээлийн жилд элсэгчдээс сургалтын төлбөрийн зээлээр суралцах суралцагчийн хяналтын тоог хоёр сайдын хамтарсан тушаалаар баталлаа.

Сангийн сайд, БШУ-ны сайдын энэхүү хамтарсан тушаалаар хяналтын тоог 6200 байхаар баталжээ. Үүнээс техник, технологийн мэргэжлийн чиглэлд 28-аас доошгүй, боловсрол судлал, багшийн мэргэжлийн чиглэлд 23-аас доошгүй хувийг хуваарилах зарчим баримтлах, батлагдсан хяналтын тоог мөрдөж ажиллахыг Сургалтын төрийн санд үүрэг болгосон байна.

Эх сурвалж: Шуурхай.мн