Өнөөдөр Хорих 407 дугаар ангийн нярайн хүүхэдтэй хоригдогч нарын шинээр барьсан байрны нээлтийн ёслол боллоо.

Эмэгтэйчүүдийн хорих анги нь анх 2002 оны ШШГ тухай МУ-ын хуулиар нярай хүүхэдтэй эхчүүдийг 0-1 насны хүүхэдтэй нь хамт байлгана гэсний дагуу 2004 оноос нярай эхчүүдийн байрыг амьдралын бүсэд барьж хоригдогж буй эхчүүдийг, хүүхдийг нь 1 нас хүртэл нь хамт байрлуулж байсан байна.

Энэхүү ажлын гүйцэтгэлийг  “Молор интөрнөйшнл” ХХК-тай гэрээ байгуулан нийт 54 сая төгрөгийн өртөгтэйгөөр 140 м.кв талбайтай 7 өрөө бүхий тохь тухтай Канад технологийн байрыг барьж дуусган ашиглалтанд оруулсан юм байна.

Тус хорих ангид 2004-2013 онуудад дунджаар 6-10 нярай хүүхэдтэй эх хоригдож байснаас өнөөдрийн байдлаар 4 эх 1-7 сартай хүүхэдтэйгээ эмнэлгийн байранд байрлаж байгаад шинэ байрандаа ороход бэлэн болоод байгаа ажээ.

Эх сурвалж: Шуурхай.мн