Маргааш орон даяар 2012-2013 оны хичээлийн жилийн элсэлтийн ерөнхий шалгалт  нэг цагт эхэлнэ. Ингэхдээ төгсөгчид шар хуудсынхаа дагуу шал­галт өгөх газраа нэг цагийн өмнө очиж, анги танхимдаа 10 минутын өмнө байраа эзэлж суусан байх ёстой ажээ. Энэ жилийн элсэлтийн ерөнхий шалгалт маргааш баасан гаригт Орос хэлний шалгалтаар 10.00 цагт эхлэн ням гаригт 14.20-16.00 цагт Физикийн шалгалтаар өндөрлөх бол бусад өдрүүдийн эхний шалгалт 8.30 цагт эхлэх юм байна.

Шалгалт эхлэхийн өмнө тан­химд гэрээний хуудас болон шал­галтын дэвтэр, баганан кодыг  хариултын хуудсын хамт тараана. Шалгалтын дэвтэрт ту­хайн хичээлийн агуулга бүхий даалгавруудтай, диаграмм, хүснэгт, бүдүүвч, зураг, эх бичвэр бүхий материал багтдаг. Энэ жилийн элсэлтийн ерөнхий шалгалтын математик, физик, химийн хичээлийн шал­галтын гүйцэтгэх хугацаа 100 минут.  Харин монгол хэл, англи хэл, орос хэл, биологи, газарзүй, Мон­гол Улсын түүх, нийгмийн тухай мэдлэг хичээлийн даалгаврыг гүйцэтгэх хугацаа 80 минут юм байна.

2013 ОНЫ ЭЕШ-ЫН ХУВААРЬ