Монгол Улсад үйл ажиллагаа явуулж буй арилжааны банкууд дотроо “акул” нь хэмээн нэрлэгддэг Хаан банк удирдлагаа дахин өөрчилжээ. Тодруулж хэлбэл, 2010 оны наймдугаар сард Хаан банкны гүйцэтгэх захирлаар томилогдож байсан Саймон Моррис албан тушаалаасаа чөлөөлөгдөж, 2009-2010 оны хооронд Хаан банкны Том аж ахуйн нэгж, байгууллагын багийг удирдан ажиллаж байсан ноён Норихико Като гүйцэтгэх захирлын үүрэг гүйцэтгэгч болжээ. Энэ тухай Хаан банкны зүгээс мэдээлж байна.

Хаан банкны гүйцэтгэх захирлын үүрэг гүйцэтгэгчээр томилогдсон Норихико Катогын хувьд хувьд Токио, Мицубиши банкны Ойрхи Дорнод, Нидерланд, АНУ болон Япон улс дахь салбаруудад гүйцэтгэх удирдлагын алба хашиж байсан банкир аж. Тэрбээр 28 жилийн хугацаанд дээрх албуудыг хашжээ. Харин жил гаруйн хугацаанд Хаан банкны гүйцэтгэх захирлаар томилогдон ажилласан Саймон Моррис нь Азийн томоохон банкны гүйцэтгэх захирлын алба хаших болсонтой холбоотойгоор дээрх “сэлгээг” хийжээ.

Г.Дарь