Нийслэлийн удирдах ажилтнуудын шуурхай зөвлөлгөөн 08.00 цагаас нийслэлийн нутгийн захиргааны байгууллагуудын Хангарьд ордонд эхэллээ.
Шуурхай зөвлөлгөөнөөр өнгөрсөн 14 хоногт нийслэл хотын нөхцөл байдлын талаар нийслэлийн Цагдаагийн газар, Онцгой байдлын газар, Мэргэжлийн хяналтын газар, Замын цагдаагийн газраас мэдээлэл өгнө. Мөн нийслэлд мал аж ахуй эрхлэхийг хориглох бүс нутаг Сэлбэ голын эхэнд олон жил суурьшсан фермерийн аж ахуйг хэдийд, хаана нүүлгэн шилжүүлэх, жуулчид олноор ирж байгаа учир тэднийг ая тухтай байлгахад нийслэлийн зүгээс хэрхэн оролцох зэрэг асуудлаар холбогдох албаныхан мэдээлнэ. Энэ үеэр ойрын хугацаанд хэрэгжүүлэх асуудлуудаар нийслэлийн Засаг дарга үүрэг даалгавар өгөх юм байна.

Эх сурвалж: Шуурхай.мн