Монгол Улсад Өмгөөлөгчдийн байгууллага үүсч хөгжсөний 85 жилийн ой удахгүй тохионо. Энэ өдрийг тохиолдуулан “Өмгөөлөгч-Нийгмийн сайн сайхны төлөө” өдөрлөгийг өнөөдөр улс орон даяар зохион байгуулах гэж байна. Энэхүү нэгдсэн өдөрлөгөөр Монголын Өмгөөлөгчдийн холбооны гишүүн өмгөөлөгчид иргэд, албан байгууллагуудад эрх зүйн зөвлөгөө өгөх, өргөдөл, гомдол, нэхэмжлэл, тайлбар бичиж өгөх зэргээр хууль зүйн туслалцааг үнэ төлбөргүй үзүүлэх юм.

Дээрх үйлчилгээг Улаанбаатарт Сүхбаатарын талбай, бүх дүүргийн Тамгын газрын дэргэдэх эрх зүйн туслалцааны төвд хүрэлцэх ирж авах боломжтой. Харин орон нутагт аймгуудын төв талбай, Засаг даргын Тамгын газрын эрх зүйн туслалцааны төвд 09.00-17.00 цагийн хооронд өдөрлөг болох ажээ.

Эх сурвалж: Шуурхай.мн