Олимпийн гудамж буюу Гадаад хэргийн яамнаас Замын цагдаагийн газрын уулзвар хүртэлх 1.1 километр замыг баасан гаригийн орой буюу энэ сарын 18-нд нээжээ. Төлөвлөгөө ёсоор уг замыг өнөөдөр нээх байсан ч “Экспресс зам” ХХК зам засварыг хугацаанаас өмнө засварлаж дуусчээ.  Харин өнөөдрийн байдлаар дараахь авто замуудын хөдөлгөөн хаалттай байгаа тул зорчигч та бүхэн замаа зөв сонгож, автомашины хөдөлгөөнд оролцоно уу.

Чулуун-Овооны тойргоос Амгалангийн тролейбусны эцэс хүртэлх 1.8 км авто замыг урсгал тус бүрээр нь хэсэгчлэн хааж ирэх зургаадугаар сарын нэгнийг хүртэл хучилтын ажил хийнэ. Одоогийн байдлаар Чулуун-Овооноос зүүн тийш 500 метр авто замын урд урсгалыг хааж, суурийн ажил хийж байна. Нэг урсгалыг хаасан үед нөгөө талын урсгалыг сөрөг хөдөлгөөнтэй болгож тээврийн хэрэгслийг нэвтрүүлнэ.

• Зүүн салааны хуучин эцсээс шинэ эцэс хүртэлх хоёр километр авто замыг энэ сарын 25-ныг хүртэл засварлаж байна.

• Хасбаатарын гудамжны зүүн хэсэг буюу хорооллын Ахуйн үйлчилгээний уулзвараас хойш хуучнаар Эх нялхсын төвийн баруун хойд уулзвар хүрэх 460 метр авто замыг энэ сарын 25-ны 06 цаг хүртэл хааж, зам барилгын ажил гүйцэтгэж байна.

• Сэлбийн хос гүүрийн хойд талын гүүрийн хөдөлгөөнийг ирэх долдугаар сарын 09-нийг хүртэл хааж, гүүрийн барилгын ажлыг “Мотор сервис” ХХК гүйцэтгэж байгаа юм.

Эх сурвалж: Шуурхай.мн