Нийслэлийн Баянзүрх дүүргийн III хороо бүр тодруулбал Сансарын тунелийн 51 дүгээр байрны орцонд 10 цагийн орчим мөнгөн ус алдагдсан гэх дуудлага Онцгой байдлын ерөнхий газар ирсэн байна.

Дуудлагын дагуу Аврах ангийнхан болон цагдаагийн албан хаагчид тухайн газар дээр очиж ажиллаж байгаа бөгөөд 51 дүгээр байрны  оршин суугчдыг гадагш дотогш гаргахгүй хөл хорио тогтоосон байна.

Мөнгөн ус асгарсан орцыг ариутгаж, бүрэн хоргүйжүүлэлт хийсний дараа энэхүү  хөл хориог цуцлах ажээ. Одоогоос хэдхэн хоногийн өмнө “Сэлбэ” голын эрэг дээр мөнгөн ус асгасан хэрэг гарсан билээ.

Эх сурвалж: Шуурхай.мн