“Дайны эрсдэлийн даатгал” нэрийдлээр их хэмжээний мөнгө завшсан гэх МИАТ-ийн хуучин удирдлагууд, тэдний хамсаатнуудад холбогдох хэрэгт өчигдөр Нийслэлийн шүүхээс харьялал тогтоон Баянзүрх дүүргийн шүүхэд шилжүүлэв.

Хоёр хоногийн өмнө Нийслэлийн прокурорын газраас МИАТ-ийн гүйцэтгэх захирлаар ажиллаж байсан Б.Бат-Эрдэнэ, Б.Эрдэнэбилэг, Ц.Орхон, дэд захирлаар ажиллаж байсан Ч.Хоролсүрэн, түүний дүү “Монголиан эйрлайнс” группийн захирал асан Ч.Суурьтогтох, нягтлан Н.Гантөмөр, “Голомт” банкны 6-р салбарын захирлаар 1997-2007 оны хооронд ажиллаж байсан Г.Саранчимэг нарын долоон хүнд яллах дүнэлт үйлдэн шүүхэд шилжүүлсэн бол Ц.Орхоны эхнэр Ү.Цэцэгмаа, Б.Эрдэнэбилэгийн дүү Б.Мандахбаяр нарын хэргийг нотлох баримтаар тогтоогдоогүй хэмээн үзэж хэрэгсэхгүй болгон шийдвэрлэсэн билээ.

Эх сурвалж: Шуурхай.мн