Сүхбаатар аймгийн ИТХ-ын Тэргүүлэгчдийн хурлаас гангар хун шувууг тус аймгийн бахархалт шувуу болголоо. Тодруулбал,  Орон нутагт тусгай  зориулалтын  аялал жуулчлалыг хөгжүүлэх ажлын хүрээнд энэхүү арга хэмжээг зохион байгуулдаг юм байна.

Гангар хун 3 дугаар сарын сүүлч, 4 дүгээр сарын эхээр  дулаан орноос  нүүдэллэн ирж  өндөглөөд 10 дугаар сарын  дундуур Дарьгангын Ганга болон  түүний ойролцоо нууранд 2000 гаруйгаар цугларан  чуулж байгаад буцдаг шувуу аж.

Энэ жил Дарьганга суманд  шувуу ажиглах 4 м өндөр цамхаг,  шувуудын гэрэлт самбарыг  төсөл хөтөлбөрийн  хөрөнгөөр  хийх бөгөөд  Хунгийн чуулгын үеэр олон улсын  наадам зохион байгуулахаар  төлөвлөөд байгаа ажээ. Сонирхуулахад, Манай  оронд гангар, хуруут, гунгар гурван төрлийн хун шувуу байдаг байна.

Эх сурвалж: Шуурхай.мн