Нийслэлийн Засаг дарга бөгөөд Улаанбаатар хотын Захирагч Э.Бат-Үүл 2013 оны нэгдүгээр ээлжийн цэрэг халах, татах ажлыг зохион байгуулах тухай А/347 тоот захирамж гаргасан.
Захирамжийн дагуу нийслэлийн хэмжээнд цэргийн жинхэнэ алба хаах хугацаа дуусч бэлтгэлээр халагдсан байлдагч, түрүүчийг хүлээн авах ажил 05 сарын 1-2-ны өдрүүдэд явагдсан бол цэргийн жинхэнэ албанд иргэдийг татах, гэрээт цэрэгт элсүүлэх ажил өнөөдрөөс эхэлж 05 сарын 05-ны өдрийг дуустал дүүрэг бүрд байгуулагдсан Цэрэг татлагын товчоон дээр явагдана. Одоогоор нийслэл хотын цэргийн насны залуучуудын 93 хувьд нь цэргийн зарлан дуудах хуудас очсон байгаа аж.
Цэрэг татлагын комисс Сонгинохайрхан дүүрэгт 83-р сургууль, Баянгол дүүрэгт 96-р сургууль, Баянзүрх дүүрэгт 53-р сургууль, Сүхбаатар дүүрэгт 31-р сургууль, Чингэлтэй дүүрэгт 24-р сургууль, Хан-Уул дүүрэгт 52-р сургууль дээр тус тус байрлаж байна.
Эх сурвалж: shuurhai.mn
Холбоотой мэдээ
Comments are closed.