Цагдаагийн ерөнхий газрын удирдах зөвлөл хуралдаж Эрүүгийн цагдаагийн газрын зарим удирдлагыг томилжээ.

Тодруулбал, Дорнод аймгийн цагдаагийн газрын дарга, цагдаагийн хурандаа Д.Манлайбаатарыг Эрүүгийн цагдаагийн газрын Эрэн сурвалжлах хэлтсийн даргаар томилж, хуучин албанд нь цагдаагийн хурандаа н.Оюунбаатарыг томилсон байна.

Мөн Эрүүгийн цагдаагийн газрын хоёрдугаар хэлтсийн дарга Ц.Ганболдыг Сүхбаатар дүүргийн цагдаагийн хоёрдугаар хэлтсийн даргаар томилж, хуучин албанд нь цагдаагийн дэд хурандаа Б.Ариунболдыг томилсон аж.  Харин шинэ албанд нь байсан Т.Дамбийням даргыг ЦЕГ-т томилон ажиллуулахаар болсон юм байна.  Тодруулбал, ЦЕГ-ын Мэдээлэл, судалгааны төвийн даргаар Эрүүгийн цагдаагийн газрын дэд дарга Ц.Аззаяаг, хэлтсийн даргаар нь Т.Дамбийнямыг томилжээ.

Эх сурвалж: Шуурхай.мн