Эдийн засгийн байнгын хорооны өнөөдрийн хуралдаанаар “Иргэний нисэхийн салбарыг хөгжүүлэх талаар төрөөс баримтлах бодлого батлах тухай” УИХ-ын тогтоолын төслийн эцсийн хэлэлцүүлгийг хийлээ. Эцсийн хэлэлцүүлгийн үеэр “МИАТ” компанид үндэсний агаарын тээвэрлэгчийн статус олгох гэсэн заалтыг тогтоолын төсөлд оруулах нь зүйтэй гэсэн саналыг гаргасан юм.
Зам тээврийн сайд А.Гансүхийн тайлбарласнаар, Олон улсын иргэний нисэхийн байгууллагын зөвлөмжид улс бүр үндэсний агаарын тээвэрлэгчтэй байх талаар тусгасан байдаг юм байна. Үндэсний аюулгүй байдал, агаарын тээврийн аюулгүй байдлыг хангах үүднээс улс орнуудад төрөөс үндэсний агаарын тээвэрлэгчээ урт хугацаагаар дэмжин ажиллуулж, өөрийн орны төрийн далбааг нааж ашиглах зөвшөөрөл олгох тухай ч зөвлөмжид дурдсан байдаг аж. Хуралдаанд оролцсон гишүүдийн олонх дээрх саналыг дэмжсэн тул УИХ-ын нэгдсэн чуулганаар хэлэлцэх юм.
Эх сурвалж: Саак.мн
Холбоотой мэдээ
Comments are closed.