УИХ-ын Аюулгүй байдал гадаад бодлогын байнгын хорооны хуралдааны үеэр Галт зэвсгийн тухай хууль болон бусад хуулийн төслийг хэлэлцэж байв. Засгийн газраар оруулж ирсэн багц хуулийн төслүүдийн танилцуулгыг ХЗДХ-ийн сайд хийж, гишүүдийн асуултад хариулж байсан юм. Олон нийтийг хамарсан эмх замбараагүй байдлын үед цагдаагийнхан галт зэвсэг хэрэглэж болохуйц зүйлийг заасан заалтыг зарим гишүүд эсэргүүцэв. Тухайлбал, Н.Батбаяр гишүүн “Ц.Нямдорж сайд их омголон хүн дээ. Шатар тоглож байгаад хожигдохоороо аваад шидчихдэг юм.

Ер нь энэ асуудалд намаараа талцаад байх шиг. МАН-ын иргэдийнхээ өмнөөс буу хэрэглэе гээд АН-ыхан хэрэглэхгүй гэж байгаа юм байна” хэмээн улстөржүүлээд амжив.

Б.САРАН

МОНГОЛЫН МЭДЭЭ СОНИН