Ашигт малтмалын газрын хоёр мэргэжилтэн Авилгатай тэмцэх газарт шалгагдаж байгаа гэсэн мэдээлэл байна. Тэднийг уржигдар хорьсон хэмээн эх сурвалж өгүүллээ. Нэг мэргэжилтнийг нь н. Жавхлантөгс гэдэг. Нөгөөх нь одоогоор нэр нь тодорхойгүй байгаа юм.

Авилгатай тэмцэх газраас энэ мэдээллийг лавлах боломжгүй байна. Харин Ашигт малтмалын газрын, Захиргаа хяналтын тасгийн дарга Үүрцайх уг мэдээллийн талаар огт мэдэхгүй байна, анх удаа сонсож байна гэлээ.

Үнэхээр энэ талаар нэг албаныхан нь ямар ч мэдээлэл байхгүй байна уу эсвэл нууцалж байгаа эсэхийг үгүйсгэх аргагүй.

Ямар ч байсан н.Жавхлантөгс одоогоор ажилаа хийгээгүй чөлөөлөгдөөд байгаа юм байна.

Дээрх хэрэг Ашигт малтмалын газрын даргаар ажиллаж байсан Ц.Батхуягийг авлигын хэрэгтэй холбоотой байж болзошгүй гэсэн таамаглал байгаа юм.Тэрбээр Төв аймаг дахь Тахир соёотод хоригдож байгаа. Тиймээс энэ талаарх мэдээллийг бид эргэн сурвалжлах болно

Г.Туяа

Энэ МЭДЭЭ танд таалагдаж байвал Like хийгээрэй. Танд баярлалаа.