Өвөр Монголын хүний эрхийн төлөө тэмцэгч эмэгтэй Б.Хуучинхүү өнгөрсөн зунаас хойш сураггүй алга болсон аж. Үүний дараахан хятадууд түүнийг хорьсон гэх мэдээлэл түгсэн. Удалгүй Хуучинхүүг зодож тамлаж буй зураг интернэтээр цацагдсан нь олны анхаарлыг татсан билээ. “Хуучинхүү тэмцэгчийг сулла” гэсэн шаардлагад гарын үсэг цуглуулах аян өчигдөр Монголд Битлзийн хөшөөний өмнө боллоо. Энэ гарын үсэг цуглуулах аян ирэх тавдугаар сарын 1-ний өдөр хүртэл үргэлжлэх гэнэ. Өнөөдрийн байдлаар 1000 орчим хүн гарын үсгээ зураад байгаа аж. Энэ   үйл ажиллагааг зохион байгуулагчид “Та гарынхаа үсгийг зурснаар монгол хүнийхээ үүргийг биелүүлж байгаа хэрэг” хэмээн цагаан даавуун дээр бичсэн байсан бөгөөд иргэдийг гарын үсгээ зурахыг хүсч байсан юм.

Х.ЦЭНД