Саяхан төв америкийн Гондурас улсад шоронд түймэр гарсны улмаас 300 гаруй хоригдол амиа алдсан эмгэнэлт явдал гарсан билээ.

Тэгвэл Мексикийн нэгэн шоронд мөн л олон тооны хоригдол амиа алджээ.

Мексикийн Монтеррей хэмээх хойд зүгийн нэгэн шоронд хар тамхины бүлэглэлүүдийн хоорондын тулааны үеэр 44 хоригдол амиа алджээ.

Хар тамхины мафийн сүлжээнд автагдсан гэх Мексик улсад шоронд хүртэл мафийнхан эрх мэдлийн төлөө тэмцэлдэж байдаг гэнэ. Үүний нэг нь тус хотын шоронд мафийн гишүүд байсан хоёр бүлэглэлийн хооронд хутга, чулуу, төмрөөр зэвсэглэсэн зодоон болсны улмаас ийнхүү дээрх тооны хоригдлууд амиа алдсан аж.

Мексик улс шоронгуудад амиа алддаг хоригдлуудынхаа тоогоор  дэлхийд нэгт бичигддэг юм.

Н.Өрнө