МАН-ын тэрслүү дөрвийг намаасаа гарах нь гэсэн бор шувуу хэсэгхэн зуур нисч байгаад намжив бололтой. Намаасаа гарах гэнэ гэсэн цуу үгийг сонссон УИХ-ын эрхэм гишүүд ч ихэд сандарч байгаа сурагтай.

Тэрслүү дөрвийн нэг Монгол Улсын Хөдөлмөрийн баатар УИХ-ын гишүүн Б.Бат-Эрдэнэ буддын шашинд тун ч шүтлэгтэй нэгэн. Далай ламыг Монгол Улсад ирэх үеэр хамгийн түрүүнд түүнтэй уулздаг сүсэгтэн бол тэр.

Ямартай өөрийн оройн дээд шүтээн Далай ламтай яг адилаар намаа тахин шүтдэгээ түмэн олонд хошуу дэвсэн хэлэх вэ дээ.

Хийгээгүй хэргийг нь хийсэн хэмээн зүтгээд байвал нээрэн ч хийсэн юм болов уу гэх эргэлзээг хүнд өгдөг гэнэ билээ. Тэгэхээр эрхэм гишүүн Б.Бат-Эрдэнэ олны эргэлзээг арилгахын тулд өөрийн оройн дээд шүтээнтэй намаа адилтган хэлсэн биз ээ, хөөрхий.