Дэлхийд алдартай хамгийн том шоунуудын нэг “Америкийн дараагийн топ модел” нэвтрүүлгийн монгол хувилбарыг Боловсрол суваг телевиз эх орондоо албан ёсны онцгой эрхтэйгээр амжилттай зохион байгуулсан. Тус шоунд нийт 200 гаруй охид сонгон шалгаруулалтанд хүч үзсэнээс 16 охин тэнцэж зорилго мөрөөдлөө биелүүлэх боломжтой болсон юм. Шилдэг дөрөвт үлдэж чадсан модел Э.Оюунбилэгийн хувьд аль хэдийн загварын карьераа эхлүүлсэн чадвартай загвар өмсөгч бөгөөд шоуны туршид үүнийгээ ч нотлон харуулсан. Охидууд дундаа хамгийн ажилсаг, хамгийн халамжтай гэгдэх бүсгүй “Би гэр хороололд амьдардаг учир бүх л зүйлээ өөрөө бие даан хийгээд сурчихсан” хэмээн хуучилж байсан энгийн яриатай түүнийг дэмжих хүмүүс ч бишгүй олон байв. Аргагүй л модел биетэй хэмээн Оргил шүүгч нэгэнтээ хэлээд авсан нь яах аргагүй охид дундаасаа хамгийн өндөр нуруутай буюу 182 см юм. Тэрээр их ажлынхаа хажуугаар найз залуутайгаа хайрын баланд умбаад тунчиг завгүй яваа бололтой. Түүний найз залуугаар “Монгол модел” агентлагийн загвар өмсөгч Түвшинтөр хэмээх царайлаг залуу тодорчээ.

Эх сурвалж:Шуурхай.мн