Т.САЙХАН

ХБНГУ-ын орон нутгийн сонгуульд Бавари мужийн намын тойргийн залуучуудын холбооны ерөнхийлөгчид Н.Солонго хэмээх монгол бүсгүй анх удаа нэр дэвшин өрсөлдөж ялалт байгуулсан байна. Одоогоос гурван жилийн тэртээ тэрээр ХБНГУ-ын улс төрд анх хөл тавьж, Бавари мужийн иргэдийн төлөөлөгч, CSU (Christian Social Union) намын гишүүн болсон бөгөөд тус улсын улс төрд дээд албан тушаал хашсан анхны монгол юм. Н.Солонго 2015 оны арваннэгдүгээр сард Холбооны засгийн газрын Эдийн засгийн байнгын хорооны гишүүн, Бундестагийн гишүүн ноён Хансёорг Дурц гишүүний туслахаар ажиллаж байжээ. Тэрээр 2005 онд Отгонтэнгэр их сургуулийг багш-орчуулагч мэргэжлээр төгсчээ.