“Анод” банкийг дампууруулсан хэргээр “Гацуурт” компаний захирал Л.Чинбатад эрүүгийн хэрэг үүсгэн шалгаж эхэлжээ. Түүнд Эрүүгийн хуулийн тусгай ангийн 150,3-аар хэрэг үүсгэн шалгаж байгааг эх сурвалж хэлж байна_ Л.Чинбатыг банк дампууруулахад нөлөөлсөн найдваргүй зээлдэгч гэж үзэж байгаа аж. Эрүүгийн хуулийн 150,3-т аж ахуйн нэгж, байгууллага, иргэдийн өмчийг итгэмжлэгдэн хариуцсан этгээд завшсан буюу үрэгдүүлсний улмаас бага бус хэмжээний хохирол учирсан бол тодорхой албан тушаал эрхлэх үйл ажиллагаа явуулах эрхийг гурван жил хүртэл хугацаагаар хасч эд хөрөнгийг хурааж таваас арван жил хүртэлх хугацаагаар хорих ял шийтгэхээр заажээ.