Малайзын нийслэл Куала-Лумпурт Йемений дөрвөн иргэнийг саатуулсан байна. Цагдаагийнхан тэднийг Саудын Арабын хааны гэр бүлийн эсрэг террорист халдлага үйлдэхээр төлөвлөж байсан хэмээн сэжиглэж баривчилсан гэж ТАСС мэдээлэв.

“Тэд ямар нэг зүйл хийх боломжтой байсан ч түүнээс өмнө нь бид тэднийг баривчилж чадсан” хэмээн Үндэсний цагдаагийн дарга Халид Абу Бакар хэлжээ.

Террорист дайралт хийх гэж байсан 26-33 настай Йеменчүүдийг хорьсон ба тэдний нэг нь оюутан, нөгөө нь тогоочоор ажиллаж байсан гэнэ. Саудын Арабын хаан Салман бин Абдул-Азиз Аль Сауд өнгөрсөн сарын 26-нд айлчлал хийсэн.

Яагаад Йеменчүүд Саудын Арабын хааныг хөнөөх гэсэн бэ гэхээр, Саудын Араб нь Йемений иргэний дайнд нэг талыг нь дэмжин оролцож байнга бөмбөгдөж буй арабын эвслийг толгойлж буй юм.

М.Баяр