Монгол Улсад суугаа БНСУ-ын ЭСЯ визний журамдаа зарим шинэ өөрчлөлт оруулж, ирэх сарын 1-нээс хэрэгжиж эхлэхээр болжээ. Тус журмаар БНСУ руу 90 хоног визгүй зорчдог байсныг болиулж, байнгын зорчдог иргэд олон удаагийн виз олгохоор болсон байна.Байнгын визгүй зорчигч гэдэг нь сүүлийн 2 жилийн дотор 4 буюу түүнээс дээш удаа Солонгосын хилээр нэвтэрсэн хүнийг хэлж байгаа аж.Олон удаагийн визийг 1, 3 болон 5 жилийн хугацаатай олгох бөгөөд энэ хугацаанд тус улс руу хэдэн ч удаа зорчиж болох аж. Мөн Грек, Нидерланд, Норвеги, Дани, Герман, Литва Европын нэр бүхий 30 оронд ажиллаж, амьдарч байсан иргэд тухайн улсаасаа Солонгос руу шууд нэвтрэхэд виз авах шаардлагагүй аж.Дээрх шинэ журамд сүүлийн гурван жилд БНСУ-д хууль бусаар оршин суусан буюу хил нэвтрүүлэхээс татгалзсан, таван сая воноос дээш хэмжээний торгууль хүлээсэн, албадан гаргагдсан зэрэг хууль журам зөрчсөн хүмүүс хамрагдах боломжгүй юм байна. Визний материалыг төлөөлөн гүйцэтгэх байгууллагууд хүлээн авч, хүсвэл нарийвчилсан зөвлөгөө өгөх ажээ.