Хөгжим бүжгийн коллежоос уран бүтээлийнхээ гарааг эхлүүлсэн “Камертон” хамтлагийнхан тус тусын ажил амьдралын мөрийг хөөж байснаа ахлагч Д.Болдынхоо санаачлагаар “Боловсрол” суваг телевизтэй хамтран ажиллахаар болжээ. Хамтлагийн гишүүн Эба газар тариалан хөөж, хүнд хүчрийг нь амсаж, Ган-Эрдэнэ NTV-гээр компани рекламдаад, Мээдээ барилгын компани байгуулах гээд, Болд харин өөрийн хувийн урлаг соёл, улс төр дэх карьераа өсгөснөөр “Камертон” хамтлагийн түүх үргэлжилж байна.

“Боловсрол” суваг телевизтэй “Камертон-2” нэртэй реалити шоу хийхээр хагас жилийн гэрээ байгуулж, ивээн тэтгэгч компаниудаас мөнгө босгон дахин өөрсдийн нэр хүндийг өсгөх бодлогыг хамтлагийн ахлагч Д.Болд сэдэн ажилдаа ханцуй шамлан ороод байна.

Долоо хоногтоо байнга уулзалдаж, хуралдаж, хэрхэн реалити шоугаа сонирхолтой байлгах талаар толгойгоо гашилгаж байгаа тус хамтлагийнхны ганц өвчин нь Л.Ган-Эрдэнэ болжээ. Учир нь, тэрбээр хааяахан бор дарсыг эрчимтэй хүртдэг болж олон арга хэмжээг тасалдуулж байгаагаас хамтлагийн бусад гишүүд нь ихэд санаа зовж байгаа сурагтай.
Г.Заяа (www.wikimon.mn)