Үндэсний эрх чөлөө, тусгаар тогтнолоо сэргээн мандуулсны 105 жилийн ойг тохиолдуулан Монгол улсын Ерөнхийлөгчийн зарлигаар Хөгжим бүжгийн коллежийн циркийн багш Х.Ганболдыг Хөдөлмөрийн гавьяаны улаан тугийн одонгоор шагнасан байна.

Х.Ганболд нь циркийн урлагийн салбарт 30 гаруй жил ажиллахдаа 50 гаруй мэргэжлийн циркийн жүжигчин бэлтгэн гаргасан нь өдгөө тив, дэлхийд эх орныхоо нэрийг дуурсган байна. Түүний циркийн урлагт оруулсан үнэтэй хувь нэмрийг үнэлэн ийнхүү Хөдөлмөрийн гавьяаны улаан тугийн одонгоор шагнажээ.