Жүдо бөхийн насанд хүрэгчдийн УАШТ багийн барилдаанаар гуравдахь өдрөө үргэлжилж байна.
Эмэгтэйчүүдийн багийн барилдаанд Алтан медалийн төлөө ХХЕГ-ын харъяа “Хилчин” спорт хороо-“Женко-1” багуудын хооронд өрнөж 2:3 харьцаатай “Женко” клуб яллаа.
Эхний хоёр барилдаанд “Хилчин”-ий П.Буянхишиг, МУГТ Д.Сумъяа нар ялалт байгуулсан ч “Женко”-гийн Б.Мөнгөнчимэг энэ оны Улсын аварга Б.Хулан нар онооны харьцааг тэнцүүллээ.
Сүүлийн барилдааныг Б.Мөнхтуяа /+78/,-Ц.Наранжаргал /-78/ нар хийж жин өгсөн улсын аваргын түрүүг хүртсэн Ц.Наранжаргал багтаа ялалт авчирлаа.
Хүрэл медалийн төлөө эхний барилдаанд Зэвсэгт хүчний “Алдар” спорт хороо – Монголын Жүдо академийг 3:2, хоёрдахь хүрэл медалийн төлөөх барилдаанд ШШГЕГ-ын харъяа “Сүлд” спорт хороо-“Женко-2” багийг 3:2 харьцаагаар яллаа.
Холбоотой мэдээ
Comments are closed.