Монголын шилдэг аж ахуй нэгжийг шалгаруулж олон түмэнд алдаршуулж, тэдний үйл ажиллагааг дэмжих үүднээс зохиогдож буй “Amjilt awards 2016” ёслол хүндэтгэлийн үйл ажиллагааг Amjilt.com сайтаас зохион байгуулж байна.

“Amjilt awards 2016” ёслол хүндэтгэлийн үйл ажиллагаанд  63 номинацыг зарлаж үүн дээр ижил төрлийн үйл ажиллагаагаа явуулдаг байгууллагууд олон нийтийн санал асуулгаар шалгарах юм. Өнөөдрийн байдлаар санал асуулгад олон нийт маш идэвхтэй оролцож, өөрсдийн дэмжиж буй байгууллагад нээлттэй саналыг өгч байна.

Санал асуулгад боловсролын байгууллагууд, хүнсний үйлдвэрлэгч, банк санхүүгийн байгууллагууд тэргүүн эгнээнд явж байна. “Amjilt awards 2016” ёслол хүндэтгэлийн үйл ажиллагааны санал асуулга дуусахад ердөө 4 хоног үлдсэн байна.

Amjilt.com  сайтын бодлогод зүй ёсоор тусгагдаж явдаг зүйл нь Монголын эдийн засгийг нуруун дээрээ үүрч яваа аж ахуй нэгжүүдийг алдаршуулж тэдний бараа бүтээгдэхүүнийг олон нийтэд түгээн дэлгэрүүлэхэд тусалж, өөрийн сайт дээр үйлдвэрлэгч байгууллагуудын бүтээгдэхүүнийг үнэ төлбөргүй байршуулж өгөхөд оршдог билээ.