Гэр хорооллын 86 цэцэрлэгийн 23 мянган хүүхдийг улирлын томуугийн эсрэг вакцинаар үнэ төлбөргүй дархлаажуулахаар болсон талаар Нийслэлийн эрүүл мэндийн газраас мэдээллээ. Багануур, Баянгол, Баянзүрх, Сүхбаатар, Сонгинохайрхан, Чингэлтэй дүүргийн буюу агаарын бохирдол ихтэй орчинд байрлах цэцэрлэгийн хүүхдүүдийг тархвар судлалын заалтаар дархлаажуулж эхэлсэн байна. Хэрэв сайн дураар улирлын томуугаас сэргийлэх дархлаажуулалтад хамрагдахыг хүсвэл Халдварт өвчин судлалын үндэсний төвийн сэргийлэх тарилгын кабинетад  8.30-14.30 цагийн хооронд 15 мянган төгрөгөөр хийлгэх боломжтой. ХӨСҮТ томуу, томуу төст өвчнөөс сэргийлэх зорилгоор Франц улсын Санофи Пастер үйлдвэрийн улирлын Томуугийн эсрэг вакциныг хийж байгаа юм байна.

Эх сурвалж:Polit.mn