“Хөгжлийн банк”-нд хуудуу их байна гэдэг асуудлыг Хууль зүйн дэд сайд Б.Энхбаяраар ахлуулсан ажлын хэсгийн зүгээс мэдэгдээд тодорхой хугацаа өнгөрч байгаа. 1 их наяд давсан монгол төгрөгтэй холбоотой зөрчлийн асуудал байна гэж тэд мэдэгдсэн. Тэгвэл өнөөдөр Хууль зүйн байнгын хороогоор Засгийн газраас  Хөгжлийн банкинд хийсэн шалгалтын дүн, тайланг  хэлэлцэх хуваарьтай байсан. За харин шалгалтын дүн мэдээлэл УИХ дахь АН-ын бүлэгт ирээгүй тул, уг асуудлаар тус намын бүлэг долоо хоногийн завсарлага авна гэдгээ өчигдөр мэдэгдсэн байгаа.  МАН-ын бүлгийн тухайд  “Хөгжлийн банк”-нд хийсэн шалгалтын дүнгийн мэдээллийг сонссон гэх мэдээлэл байгаа. УИХ дахь АН-ын бүлгийн дарга С.Эрдэнэ  хэлэхдээ “Хөгжлийн банкнаас авсан томоохон зээлүүдийн 60 хувийг МАН-ын бүлгийн гишүүд авсан байдаг. Цаашилбал шалгалтын дүгнэлтийг УИХ-ын гишүүдэд тараагаагүй байж шууд Хууль зүйн байнгын хороогоор хэлэлцэх гэж буй нь хууль зөрчсөн үйлдэл. Эхлээд гишүүдийн гар дээр материал ирэх ёстой.”  хэмээн хэлээд байгаа юм.

Эх сурвалж: Шуурхай.мн