Холливууд хочит Амраагийн ороцсон, бүтээсэн кино бүр амжилтыг дагуулж хит болсоор ирсэн билээ. Эхнэр нь гардаж продюсарласан түүний дараагийн уран бүтээл болох “Итгэл” УСК нь энэ сарын 14-нд нээлтээ хийсэн даруйдаа үзэгч олноос өндөр үнэлэмжийг аваад байгаа юм. Уг уран бүтээлээр шинээр төрөн гарч ирж буй уран бүтээлчээ дэмжин урлагийн их үйлст нь томоохон хөрөнгө оруулалт хийсэн нь харагдав. Тухайлбал жүжигчин Болд, Батмэнд, Ариунчимэг Бүжигчин Бямба гэх мэт. Тэгвэл энэ удаад Итгэл уран сайхны кинон дээр бас нэгэн шинэ жүжигчин олны анхаарлыг ихэд татлаа. Х түц продакшны өсөх ирээдүйтэй жүжигчнээр тодроод буй Батзориг гэх залууг танихгүй мэдэхгүй хүн ховор болсон билээ. Урлагийн акулуудын дэргэд өсөн дэвжиж буй тэрээр монголын хошин урлагт аль хэдийн өөрийн донж, төрхөө бүрдүүлээд амжсан. Тэгвэл энэ удаад хэрэгтэй үед алга болчихоод, эрх мэдэлтэй үед салахгүй дагадаг бялдууч залуугийн дүрийг бүтээсэн төдийгүй үзэгчид түүнийг илүү ч үгүй, дутуу ч үгүй, яг л таарсан мэт хэмээн дүгнэсэн гэнэ. Мөн тэрээр Итгэл кинонд зургийн даргаар ажиллаж өөрийн бас нэгэн шинэ авьяасаа сорьж үзсэн нь чадварлаг, бүтээлч нэгэн гэдгээ дахин нэг батлан харууллаа.  

Эх сурвалж: Шуурхай.мн