УИХ-ын гишүүнээр сонгогдоод эхнэрээ сольсон гишүүний тоог нэгээр нэмсэн экс гишүүн Батаа газар тариалангийн бизнест хүч үзээд нам жим амьдарч байгаа. Фото мисс бүсгүйтэй дэр нэгдэж, голомт залгах хүүтэй болсон Батааг залуу эхнэр хүү хоёртоо амиа тавьдаг, хүссэн бүгдийг нь бэлдэж өгдөг гэлцдэг.

Хотын их утаанаас дайжиж шинэ цэргийн карантинд байрладаг Тавантолгой орчим хоёр давхар тохилог хаус бариулсан экс гишүүн Батаа эхнэрээ Удирдлагын академид сургаж, Америкт хэлний мэдлэгийг нь дээшлүүлжээ.

Гавьяат бүжигчин хадам ээж нь зээгээ газар тавилгүй шахам өсгөлцөж байгаа болохоор экс гишүүн Батаа санаа зовох зүйлгүй амьдарч, саяхан залуухан гэргийгээ Оюутолгой компанид ажилд оруулсан гэнэ.

Тэндэхийн залуусын нүдийг хужирлах болсон Батаагийн гэргийг хамт ажиллагсад нь “хаа очиж ихэнх бүсгүйчүүдийн адил хоосон толгой биш юмаа” гэж үнэлж байгаа сурагтай.