Намрын чуулган өнөөдөр нээлтээ хийж, УИХ-ын дарга М.Энхболд хийж хэрэгжүүлэх ажлуудаа цаг алдалгүй хийх хэрэгтэй байна хэмээн мэдэгдээд байгаа. Өнөөдөр эхэлсэн чуулганаар дараа дараагийн өдрүүдэд хэлэлцэгдэх олон асуудлууд бий. Ямар ч байсан төсвийн тухай хуулиа ус шүүсийг нь сайн шахаад хуульчлан батлах ёстой. За тэгээд ээлжит бус чуулганаар дуулиан шуугиан тариад байсан Гэр бүлийн хүчирхийлэлтэй тэмцэх тухай хууль гэхчлэн олон хуулиуд бий.

Тэгвэл сар шинийн баярын өмнөх долоо хоног хүртэл үргэжлэх хуулийн хугацаатай чуулганыг түр завсарлуулж магадгүй гэх мэдээлэл гараад байгаа юм. УИХ-ын дарга М.Энхболд  өмнөд хөрш БНХАУ руу ажлын айчлал хийхтэй холбоотойгоор чуулганыг түр завсуурлуулахаар болсон гэх мэдээлэл байна. Гэхдээ УИХ-ын хэвлэл мэдээллийн албанаас одоогоор энэ тухай албан мэдээллийг өгөөгүй байгаа юм.

Эх сурвалж: Шуурхай.мн