БНХАУ 2022 онд Бээжинд зохион байгуулагдах өвлийн олимпийн наадамд зориулж Цагаан хэрмийн доогуур хурдны галт тэрэг явах боломжтой төмөр зам байгуулж эхэлжээ.

Тус улсын Төрөм замын барилга байгууламжийн V группийн хэрэгжүүлж байгаа төслийн дарга Чен Бин хэвлэлд өгсөн ярилцлагадаа “Бидний байгуулж байгаа төмөр зам дэлхийн хамгийн гүнд байрласан төмөр зам байх болно” гэжээ.

Түүний ярьснаар Жанчхүү-Бээжин чиглэлийн төмөр замын уг төсөл 2022 он гэхэд бэлэн болох ёстой. Барилгын ажил газрын гадаргаас доош 102 метрт явагдах ба талбайн хэмжээ нь 36 мянган хавтгай метр аж. Барилгын ажил дэлхийн соёлын өвд бүртгэгдсэн Цагаан хэрэмд ямар ч аюул учруулахгүй гэж албаныхан тайлбарлажээ.

Төсөл ашиглалтад орсноор Цагаан сарын баярын үеэр энэ замаар өдөрт 30 мянган хүн зорчих боломжтой гэнэ.