НЬЮ-ЙОРК./TASS/. АНУ-ын Ерөнхийлөгчийн сонгуульд Бүгд Найрамдах намаас нэр дэвшигч Дональд Трамп цагаан арьст америкчуудын дэмжлэгийг илүү ихээр хүлээж байгаа бол түүний өрсөлдөгч Хиллари Клинтоныг дэмжиж буй хар арьст америкчуудын тоо харьцангуй олон байгаа аж.

Үүнийг телевизийн СNN суваг болон ОRC судалгааны албаны хамтран явуулсан санал асуулгын дүн харууллаа. Ерөнхийд нь авч үзвэл, санал асуулгад оролцогчдын 45 хувь нь Трампыг, 43 хувь нь Клинтоныг дэмжиж байна.

11 дүгээр сарын 8-ны өдөр болох сонгуулийн санал хураалтад оролцоно гэдэг нь бараг тодорхой болсон эрэгтэй сонгогчдын 52 хувь, эмэгтэйчүүдийн 38 хувь нь Трампын төлөө саналаа өгнө гэсэн бол Клинтоны хувьд энэ харьцаа 32 хувь ба 52 хувьтай байна.

Нөгөөтэйгүүр, цагаан арьст сонгогчдын 54 хувь, хар арьстнуудын 17 хувь нь Трампыг дэмжихээ илэрхийлсэн бол Клинтоны хувьд энэ харьцаа 70:30 байгаа аж.

Харин нөгөө хоёр нэр дэвшигч болох Либертари намын Гэри Жонсон нийт сонгогчдын 7 хувь, “ногоонтнууд”-ын намын Жилл Стейн 2 хувийн саналыг авах дүр зураг харагдаж байна.

Телевизийн СNN суваг болон ОRC судалгааны албаныхан хоёрдахь удаагийн санал асуулгадаа Клинтон, Трамп хоёрын хэнийг нь дэмжих вэ гэдгийг тодруулахад 49:48 гэсэн харьцаагаар Трамп илүүрхжээ.