Олон жил ихэр юм шиг Сараа, Ариунаа гэж холбуулж ирсэн хатагтай нар энэ намрын шоуг нэгэн зэрэг эхлүүллээ. Тэд шинэ клипнийхээ нээлтийг нэг өдөр хоёр талд хийсэн юм. Чамгүй хугацаанд нам гүм байсан тэдний энэхүү дуулиан рок попд чимээ оруулав. Аль аль нь энэ тайзнаа алдар нэр, авьяас билэг, амь амьдралаа эхлүүлсэн болохоор үзэгчид тэднийг ямар ч үед харьцуулж жишсээр ирсэн. Б.Сарантуяа хамрах хүрээ, утга санаа талаараа олон үндэстний дууг өөрийн чадлын хэмжээнд үзэгчдэд хүргэж урьд хожид байгаагүй “Аргагүй монгол аялгуу” тоглолтоо хоёр өдөр үргэлжлүүлсэн. Харин богино хэмжээний кино клипээрээ оюуны өмчийн баталгаа гаргуулснаараа Т.Ариунаа анхдагч боллоо.

Мөн  Саянгоо хэмээх үзэсгэлэнт хатны дүрээр жүжиглэж бүжиглэх авьяасаа илүү харуулсан Т.Ариунаагийн кино кпип хоёр зуу гаруй уран бүтээлчийг хамруулсан өртөг зардлаараа толгой цохиж байна. Тэрээр “Домгийн өглөө” кино клипээ телевизүүдээр цацахгүй кино найруулагчдын менежментээр ажиллах гэнэ.