УИХ-ын ээлжит сонгууль болоход дөрөвхөн хоног үлджээ. Сонгууль болох гэж байгаатай холбогдуулан энэ үеэр гарч болзошгүй хэрэг зөрчлөөс сэргийлэх зорилгоор Сэлэнгэ аймгийн Мандал сумын Засаг дарга захирамж гаргажээ.

Тодруулбал, тус захирамжинд энэ сарын 26-ны өдрөөс буюу маргаашнаас эхлэн гурав хоног архи согтууруулах ундаа худалдаалахгүй байхыг үүрэгджээ. Түүнчлэн энэ гурав хоногийн хугацаанд захирамж зөрчсөн хүнийг 30-50 мянган төгрөгөөр, аж ахуйн нэгж байгууллагыг 200-250 мянган төгрөгөөр торгож, орлогыг нь хураан авч, үйл ажиллагааг нь зогсоох хүртэл арга хэмжээ авах ажээ.

О.Сайхан