Өчигдөр “Нарантуул” худалдааны төвийн ойролцоо иргэн Н нь согтууруулах ундаа хэрэглэсэн үедээ буу барьж,

“эхнэрээ буудна” хэмээн хөөж явахад цагдаагийн алба хаагчид зогсоож гэмт хэргээс урьдчилан сэргийлсэн байна. Гэтэл өнөө өглөө мөн ийм хэрэг Сонгинохайрхан дүүрэгт бүртгэгдсэн байна. Тодруулбал тус дүүргийн нутагт байдаг  “Чингис Соосэ” их сургуулийн аж ахуйн хашаанд оршин суугч 22 настай Г гэртээ байхдаа  буудуулсан байна.  Хэргийг шалгахад Нийслэлийн хот тохижилтын газрын анчин, Хан-Уул дүүргийн 13 дугаар хорооны иргэн О гэгч золбин нохой устгах гэж явж байхдаа машин дотроос буу алдсаны улмаас иргэн Г-гийн зүүн гуян тус газар нь буудаж гэмтээснийг тогтоосон байна. Хэргийг Сонгинохайрхан дүүргийн цагдаагийн хэлтэст үргэлжлүүлэн шалгаж байна.

Д.Баатар

mminfo.mn