Оросын Хөлбөмбөгийн холбоо өөрийн хөлбөмбөгийн дэггүй фанатууддаа хандан томоотой байхыг хүсчээ. Англитай хийсэн эхний тоглолтод сахилгагүйтэж Марсель хотыг түйвээсэн фанатуудыг дахиж үймээн дэгдээвэл шигшээ багийг нь тэмцээнээс хасахыг сануулсан ба өнөө орой Орос Словакын тоглолтоор хоёрдугаар тойрог эхэлнэ. Тиймээс тэднийг тэмцээн болох хугацаанд Францын хууль ёс, нийгмийн дэг журам, ёс суртахууны хэм хэмжээг сахихыг уриалжээ.

Оросууд одоогоор нэг оноотой байгаа бол Словак Уэльсэд хожигдож оноогүй байгаа. Тийм болохоор өнөөдрийн тоглолт шийдвэрлэх хариуцлагатай тоглолт болох учраас ОХУ-ын хөлбөмбөгийн холбоо ийм уриалга гаргажээ.