Тайландын нийслэл Бангкокт Ази тивийн пологийн аварга шалгаруулах “ALL ASIA CUP 2012” тэмцээн энэ сарын 9-14-ний өдрүүдэд болж өнгөрлөө.

Тус тэмцээнд Хятад, Энэтхэг, Тайланд, Монгол, Малайз, Сингапур, Индонез, Бруней, Фи липпин, Дубайн шигшээ баг өрсөлдсөн бөгөөд Монголын үндэсний пологийн шигшээ багийнхан БНХАУ-ын шигшээ багийг 8:4-өөр хожжээ.

“Анх удаа оролцож байгаа манай баг Азийн хамгийн хүчтэйд тооцогддог Хятадын үндэсний шигшээ багийг онооны илт зөрүүтэй хожсон нь поло сонирхогчдыг алмайрууллаа” гэж “Чингис хаан поло клуб”-ийн захирал С.Энхцэцэг Бангкокоос мэдээлсэнг байна.

Дөрвөн жилд нэг удаа болдог тус тэмцээнд манай багийн ахлагчаар 16 настай Г.Ихтэнгэр тоглож байгаа бөгөөд бусад гуравынх нь хоёр нь малчин айлын 18-20 насны хөвгүүд аж.