МҮСБХ-ны Үндэсний супер лигийн хоёрдугаар тойргийн ээлжит тулаан өчигдөр СТО-д боллоо.  Альянс Тех Харцага-Архангай Лидер 92:88 Хоёр багийн тулаан тун тэнцүүхэн эхэлсэн бөгөөд нэгдүгээр үед 25:19-ээр “Лидер” бага зэрэг давамгайлав. Тэд будагтай талбай болон дундын зайнаас амжилттай шидэж байсан зургаан онооны тэргүүлэлийг олгосон юм. Харин хоёрдугаар үеийн эхнээс “Харцага” хамгаалалтаа тун нямбай хийж эхлэв. Энэ ч үр дүнгээ өгч тооны харьцааг тэнцүүллээ. Энэ үед “Харцага”-ын легионер Карл Блейр 14 оноо авч сайн тоглолтыг үзүүлсэн юм. Гуравдугаар үед энэ улиралд бэртлийн улмаас төдийлэн сайн тоглолтоо үзүүлж чадахгүй байсан Ц.Азбаяр алсын зайн шидэлтээ байнд нь тусгаж өөрйин хөгжөөн дэмжигчдээ баярлуулав. Улмаар энэ үед “Харцага” 70:66-гаар давамгайлав. Шийдвэрлэх дөрөвдүгээр үед “Лидер” онооны зөрүүг арилгаж чадахгүй явсаар 88:92-оор ялагдал хүлээлээ.

Mongolnews.mn