Саяхан “Эрдэнэт үйлдвэр” ХХК-ийн Захиргаа, Үйлдвэрчний эвлэлийн холбооны удирдлагууд 2014-2015 онд мөрдөх хамтын гэрээнд гарын үсэг зурлаа. Энэхүү гэрээгээр “Эрдэнэт” үйлдвэрийн ажилчдын цалинг тодорхой хувиар нэмэгдүүлжээ. Мөн хүүхдээ 3 нас хүртэл нь асарч буй эхчүүдийн тэтгэмжийг хоёр дахин нэмэгдүүлж, сард 400 мянган төгрөг олгохоор заажээ. “Эрдэнэт” үйлдвэрээс Өндөр насны тэтгэвэрт гарч буй хүмүүст олгодог нэг удаагийн тэтгэмж, Үйлдвэрлэлийн осол мэргэжлээс шалтгаалах өвчний улмаас хөдөлмөрийн чадвар алдалтын хувь тогтоогдсон хүмүүст зориулсан мөнгийг ч тодорхой хэмжээгээр нэмсэн байна. Энэ удаагийн Хамтын гэрээ амжилттай боллоо гэж талууд үзэж байгаа аж.