Өршөөлөөр суллагдаад удаагүй байгаа ч “Онги голынхон” хөдөлгөөний тэргүүн Ц.Мөнхбаяр тэмцлээ дахин эхлүүлжээ. Тэрбээр Уул уурхайн сайд Р.Жигжидийг огцруулахаар хэсэг хүмүүстэй нэгдэн Төрийн ордны дэргэд эсэргүүцлийн тайван жагсаал хийсэн байна.

Ц.Мөнхбаяр “Монголын маань өв соёл, үнэт зүйл, байгаль, уул усыг сүйтгэх үйлдэл хийж байгаа хүнийг огцруулах хэрэгтэй. Зөвхөн огцруулаад зогсохгүй цаашид өөр арга хэмжээ ч авах хэрэгтэй. Бурхан Халдун уулаа сүйтгэж, Онон голоо егүүтгэх гэж байна. Эдгээр бүх үйлдэл нь хууль бус ажиллагаа. Энэ бүхнийг таслан зогсоож, зохицуулахын тулд бид эдгээр залуустай хамт байх болно” гэжээ.

Эх сурвалжwww.wikimon.mn