Самуэль Этог явуулсан 2009 онд Пеп Гвардиола Барсагийн хамт оролцсон бүх тэмцээндээ түрүүлж, зургаан цом хүртсэн. Каталончууд энэ онд Испанийн суперкап-д Атлетик Бильбао-д хожигдсоноор зөвхөн дөрвөн цом өргөөд байгаа. Тав дахь түрүүгээ тэд энэ ням гарагт Йокогама хотын Ниссан цэнгэлдэхэд авах боломж өндөртэй. Гэхдээ үүний тулд тэд юуны өмнө ФИФА-гийн клубуудын ДАШТ-ий шөвгийн дөрөвт Азийн Аваргуудын лигийн цомын эзэн Гуанжу Эвэргранд багийг буулган авах ёстой. Робиньо, Паулиньо зэрэг Бразилын оддыг эгнээндээ нэгтгэсэн Хятадын баг КОНКАКАФ-ын аварга Мексикийн Америка-г 2-1-ийн харьцаатай буулган авснаар хоёр дахь удаагаа тэмцээний хагас шигшээд шалгараад байна.

Хоёр жилийн өмнө Гуанжу Байерн Мюнхенд 3-0-ээр бут ниргүүлж байсан юм. Клубуудын ДАШТ-ий шувтаргад өрсөлдөх эхний багаар домогт Ривер Плэйт тодроод байна. Копа Либертадоресийн аварга Аргентины баг зохион байгуулагч орны төлөөлөл Санфречче Хирошима-г 1-0-ийн харьцаатай буулган авснаар анх удаагаа тэмцээний шигшээд шалгарлаа.

Эх сурвалж: NTV Sport