Дорноговь аймгийн Мандах сум 1000 ботгоны баяраа шинэ оны эхний өдрүүдэд тэмдэглэх гэж байна. Тус сумын малчид 10 мянган тэмээ тоолуулан“Мөнгөн ботго”, “Мөнгөн буйл” зэрэг шагналыг удаа дараа авч байсан бөгөөд энэ жил зургаан мянган тэмээ тоолуулсан аж. Мандах сумын малчид энэ жил 1120 ботго эсэн мэнд бойжуулсан байна. Мянган ботгоны баярын үеэр хөөрхөн ботго, хурдан ат, сайхан хос зэрэг уралдаан зохион байгуулахаас гадна хөдөө аж ахуйн бараа бүтээгдэхүүнийг сурталчлах үзэсгэлэн худалдаа болох аж.