Сүүлийн үед дэлхийн иргэд айдас цочролд дунд амьдарч байгаа. Дэлхийн хаа нэгтээ алан хядах үйл ажиллагаа гарах болсон. Өнгөрсөн баасан гаригт гэхэд л Франц улсын Парис хотод алан хядагч нар бөмбөг тэсэлж 140 гаруй иргэн амь үрэгдсэн. Тэгвэл өнгөрсөн пүрэв гаригт Ливаны нийслэл Бейрутад Ислам улсын бүлэглэлийн алан хядагч нар буюу хэт даврагчид шийт шашинт иргэд олноор оршин суудаг, хөл хөдөлгөөн ихтэй гудамжинд терорист үйл ажиллагаа явуулжээ. Энэхүү аллагын золиосоор 50 хүн амь үрэгдэж 200 гаруй хүн гэмтсэн байна. Харин уг аллагын хоёр дахь терорист үйл ажиллагаа шийтүүдийн цугладаг сүмийн гадна бөмбөг тэслэх гэсэн боловч азаар чадаагүй байна. Олон зуун хүний амийг авч одох шахсан аллагыг бяцхан охиноо салхилуулж байсан Ливан гаралтай Адель Термос зогсоожээ. Тэрээр бөмбөг тэслэх гэж байгааг мэдсэн баатар эр алан хядагчыг дарж унаган олон зуун хүний амь эрсдэхээс урьдчилан сэргийлжээ. Харамсалтай нь Адель Термос охины хамт амь эрсэдсэн байна. Ливаны олон мянган иргэн Адель Термосын баатарлаг үйлсэд талархаж, түүний төлөө залбирч байна.

Эх сурвалж: Шуурхай.мн